Breaking News

पनवेल मनपा सार्वत्रिक निवडणूक २०२५-२६ तब्बल ८८ उमेदवारांचे उमेदवारी अर्ज मागे!

Lokdrushti - Jan 03, 2026 -

पनवेल मनपा सार्वत्रिक निवडणूक २०२५-२६ तब्बल ८८ उमेदवारांचे उमेदवारी अर्ज मागे!

पनवेल (वार्ताहर) - पनवेल महापालिका सार्वत्रिक निवडणूक २०२५ -२६ अंतर्गत काल दि.०२ जानेवारी रोजी उमेदवारी अर्ज मागे घेण्याच्या दिवशी दुपारी सहा निवडणूक निर्णय अधिकारी कार्यालयांनी दिलेल्या अहवालानूसार ८८ उमेदवारांनी आपले उमेदवारी अर्ज मागे घेतला आहेत. तसेच निवडणूक निर्णय अधिकारी कार्यालय 0६ अंतर्गत येणाऱ्या प्रभाग क्रमांक १७,१८,१९ व २० मध्ये ७ उमेदवार बिनविरोध आले आहेत. पनवेल महापालिका निवडणूकीत उमेदवारी अर्ज मागे घेतलेल्या उमेदवारांची संख्या पुढीलप्रमाणे आहे. निवडणूक निर्णय अधिकारी कार्यालय १ - २९ उमेदवार, निवडणूक निर्णय अधिकारी कार्यालय २ -६ उमेदवार, निवडणूक निर्णय अधिकारी कार्यालय 3 - १५ उमेदवार, निवडणूक निर्णय अधिकारी कार्यालय ४ - ९ उमेदवार ,निवडणूक निर्णय अधिकारी कार्यालय ५ - ११ उमेवार व निवडणूक निर्णय अधिकारी कार्यालय ६ - १८ उमेदवार अशा एकूण ८८ उमेदवारांचा समावेश आहे.