वाशी (प्रतिनिधी) - आगामी नवी मुंबई महापालिका निवडणूकीच्या पार्श्वभूमीवर काँग्रेस पक्षाने मोर्चेबांधणीस सुरूवात केली आहे. त्याचाच एक भाग म्हणून नवी मुंबई जिल्हा कांग्रेस कमिटीची बैठक काल सोमवारी कांग्रेस भवन, वाशी येथे जिल्हाध्यक्ष पूनम मिथुन पाटील यांच्या अध्यक्षतेखाली पार पडली. या बैठकीला काँग्रेस कार्यकते व पदाधिकारी यांचा उत्स्फूर्त प्रतिसाद लाभला. यावेळी भविष्यामध्ये नवी मुंबई जिल्ह्यामध्ये काँग्रेस पक्ष मजबूत करण्याचा निर्धार काँग्रेस कार्यकर्ते व पदाधिकाऱ्यांनी व्यक्त केला. या बैठकीला डॉ.मोनिका जगताप (विधानसभा प्रभारी-१५० विधानसभा मतदारसंघ) उपस्थित होत्या. या बैठकीमध्ये नवी मुंबई महापालिकेसाठी काँग्रेसतर्फे निवडणूक लढविण्यासाठी इच्छूक असलेल्या अनेक उमेदवारचे अर्ज घेण्यात आले. या बैठकीदरम्यान ऐरोली विभागातून अनेक युवकांनी नवी मुंबई जिल्हा काँग्रेसच्या जिल्हाध्यक्ष पूनम पाटील यांच्या नेतृत्वावर विश्वास ठेवून काँग्रेसमध्ये प्रवेश केला व भविष्यामध्ये नवी मुंबई जिल्ह्यामध्ये काँग्रेस पक्ष मजबूत करण्याचा निर्धार व्यक्त केला. या बैठकीला जिल्ह्याचे प्रवक्ते रत्नाकर कुदळे, माजी महिला अध्यक्षा उज्वला साळवे, उपाध्यक्ष संतोष सुतार, तुकाराम कदम, युवा नेते संदेश बनसोडे, दत्ता माने, संतोष कांबळे, रतन तांडेल, झोया, रोहित ढेकळे, सुनील कांबळे व इतर अनेक काँग्रेस कार्यकर्ते उपस्थित होते.